الآيسكـــــــــــــريم المقلي ..

°*°*° نعم نعم .. قريتوا العنـوان صحّ : الآيسكـريم المقلـي °*°*°

عزيزتي القارئة و البنت

سواء كنتي بنت او متزوجة ، لكن تبين حلى مبتكر و جميل .. يقدّم في الحال .. بس يذهل كل جاراتك : أم عبدالعزيز و أم صالح .. وجارتكم السورية أم فراس

والكل يسألك : فلانة .. فلانة .. تكفين علمينا .. كيف دخلتي الآيسكريم جوى

القارئ ..

القارئ؟

والله انك قـااضي

طفشان بحياتك ؟ ماعندك شغل ؟

من جدّك فاضي تقعد 6ساعات تصلّح حلـى ؟

قسمن فيه مشكلة بـ حياتك

فراغ .. بطالة .. الي هو ..

وأنا شخصيا ما أستقبل عيال يصلّحون آيسكريم مقلـي

رجاءن من غير مطرود

الطريقة تعتبر سهلة ، بس يبي لها إتقـان + وقـت

°*°*°</B>

سكوب آيسكريم لكل شخص أي نكهة ( وأحسن نوع هو باسكن روبنز )

كورن فليكس مجروش

بيضة

ملعقة طعام حليب سائل

ملعقة صغيرة قرفة إذا تحبينها

°*°*° الطريقـة °*°*°

خصصي صحن أو ( تابروير ) بلاستك ينفع للفريـزر

اغرفي سكوبات الآيسكريم و حطيهم بالصحن و عالفريـزر

انتظري كم ساعـة لين يجمدون

طلعيهم

دحرجيهم بسرعة على الكورن الفليكس المجروش

عالفريزر بسرعة بسرعة عشان لا يتغير شكلهم

انتظري ساعة

همن طلعيهم وش تنتظرين ؟

تكونين مجهّزة في صحن مسطح بيضة مخفوقة مخلوطة مع القرفة ( الدارسين ) + ملعقة حليب سايل بس مب مهمـة

بسرعة بسرعة دحرجي كرات الآيسكريم المغلفة بالكورن فليكس على خليط البيض
</B>

همّن بأسرع مايمكن دحرجيهم على كورن فليكس مجروش مرة ثانيـة

همّن خلااااص اتركيهم بالفريزر يفضل أكثر وقت ممكن

همّن لاتطلعينهم إلا وانتي مسخنة زيت غزير عشان على طول تطلعينهم و تقلينهم

كل كورة تاخذ 7 ثواني تقريبن

بسرعة شيليها و حطيها على منديل امتصاص بعدين بسرعة عالفريزر

اتركيهم ساعـة و خلاص قدّميـهـم

°*°*°

ممكن إذا الضيوف عندك، تقدمينها فورن فورن ، مايمدي الآيسكريم يميييع

والله نفسي اجربها
مشكوور ابوسمرة